31. Türkiyə msk-nın nəticələrinin hazırkı nəticələrdən fərqli olmayacağını güman edib bu entry-ni yazıram.

kemal kılıçdaroğlu haqqında bir neçə gün qabaq yazdığım entry-nin hələ də arxasındayam, problemin namizəd olmadığımı düşünürəm. Çünki təşviqat kampaniyasına başlamazdan qabaq, xüsusən məşhur "cənamaz polemikası"nda işlərin fırıq gedəcəyi hissinə qapıldım, amma adam haqqına danışar, xəritə və fatih portakal kimi ölülərin Azərbaycanla bağlı dedikləri istisna olmaqla, uğurlu yol izlədi. imamoğlu da olsaydı, Yavaş da olsaydı, seçki ilk turda bitməyəcəkdi. Amma ikinci tur üçün daha ümidli olacaqları dəqiq idi.

indi gələk şəxsi qənaətlərimə:
1. Dünənki seçkidən çıxan ən aydın nəticə milliyətçilərin ilbəil gücləndiyi faktıdır. Akp-nin londonçu fəthullah xətti ilə yürütdüyü liboş siyasəti dönəmində aldığı 50% səsi başqa bir siyasi ölü olan devlet bahçeli 35%-ə qədər azalda bildi. Bahçelinin buradakı daha bir uğuru isə akp-dən qaçan səsləri özündə cəmləyə bilməsidir. istər-istəməz akp və ərdoğan yenə bahçelinin ovucunda qaldı və dövlətdəki milliyətçi mafyozların yerini bərkitdi. Bilən-bilir, soylu-albayrak probleminin əsasını təşkil edən də milliyətçilərin akp-nin əsas sosial bazasına hökm etmək istəyən pelikançıları divara dirəməsi idi, görünür, bu proses yenə davam edəcək;

2. inanıram ki, Hər iki seçki blokunda 10%-lik səsi olan milliyətçilərin kürdləri kilid oyunçu olmaqdan çıxarması növbəti beş ildə Türkiyə siyasi elitasının addımlarında öz təsirini göstərəcək. Kemal Kılıçdaroğlunun 28 maydan sonra məğlub olacağı ssenaridə sədrlikdən istefa verməsi halında, zəifləyən bazanın iyi partiyə yönəlməsi onu ana müxalifət halına gətirə bilər.

3. Kürdlərin siyasətdəki ağırlığı azaldıqca bu illər ərzində nə qədər boş idealların dalınca qaçdıqlarını anlayacaqlar deyə ümid edirəm. illər uzunu ərdoğan tərəfindən müttəfiq görülüb qəbul olunmaz tələblərini diktə edənlər tədricən qüvvə itirib ərdoğanın itirməkdən qorxmadığı səviyyəyə düşdülər. Üstəlik, əllərində ciddi sayıla biləcək bir uğur yoxdur. Ara sakitləşəndə Ərdoğanın ikinci tura 49%-lə getməyinin səbəbinin də hdp olduğu anlaşılacaq.

Kk-nın strategiyasında olan əsas səhvlər isə:

1. Parlament üçün yetərincə diqqət ayırmamaları - iyip chp ortaq siyahısı daha çox dairədə tətbiq edilsəydi, 5-10 vəkilin cumhurdan alınması ehtimalı var idi.

2. Altılı blok yerinə "3 3" taktikası ilə həm 30-40 arası vəkil sonradan qoşulan 3 partiyaya verilməyəcəkdi, həm də yeniden refah-ın 3%-ə yaxınlaşmasının qarşısı alınacaqdı. Yox, əgər kk-nın namizədliyi üçün bu gedişat edilibsə, o başqa söhbət.

3. Hdp ayrı namizəd çıxardıb Ərdoğanın əlindəki pkk kozrunu kk-nın üstündən almalıydı. Yenə ikinci tura qalacaqdı, amma və lakin həm rte 49-dan aşağı səslə ilk turu bitirəcəkdi, həm də MHP bu qədər səs almayacaqdı. Hdp məsələsinin iyi partiyasının səslərinə mənfi təsir göstərdiyinə inanıram.